Ísfirðingar sigursælir á Andrésar andar leikunum

Nokkrar ungar SFÍ stúlkur með Andrési önd - Lilja Björg, Bríet og Guðrún Steina.

Skíðafélag Ísfirðinga sendi 51 keppanda á Andrésar andar leikana sem fram fóru í Hlíðarfjalli í síðustu viku. Að vanda sópuðu göngumenn til sín verðlaunum í flestum flokkum. Nokkrir alpakrakkar komust einnig á verðlaunapall auk þess sem allir keppendur 6-7 ára í alpagreinum og 6-8 ára í göngu fengu veglegan verðlaunagrip fyrir þátttöku í leikjabrautum. Öll úrslit má finna á heimasíðu SKA skidi.is

Úrslit í skíðaskotfimi og göngumóti Hótels Ísafjarðar.

Úrslit í skíðaskotfimi og göngumóti Hótels Ísafjarðar hafa verið sett inn undir liðnum ganga.

Góður árangur ísfirðinga á Skíðamóti Íslands

Ísfirðingum gekk vel á Skíðamóti Íslands nú um helgina.

Í hefðbundinni göngu kvenna voru ísfirðingar í þremur efstu sætunum, en Elena Dís var í 1. sæti og Rannveig Jónsdóttir og Silja Rán fylgdu þar fast á eftir. Einnig náði Elena 2. sæti í göngu með frjálsri aðferð.

Í alpagreinum gekk líka vel, en Thelma Rut var í 2. sæti í flokki 15 - 16 ára bæði í svigi og stórsvigi.

Skíðaskotfimi á Dalnum kl. 13:00 Skírdag

Skíðaskotfimi verður haldin á Seljalandsdal kl.13:00 á Skírdag, keppendur geta tekið æfingaskot frá kl. 11:00. Skráning á staðnum.

Skotfélagið og SFÍ

Sprettganga CraftSport

Hin geysivinsæla sprettganga CraftSport (áður Núps) verður haldin í 13 skiptið í miðbæ Ísafjarðar, miðvikudaginn 4.apríl kl. 17:00. Skráning er hjá Bobba í CraftSport (bobbi@craft.is) og afhending númer er kl. 16:00