Aðalfundur Skíðafélags Ísfirðinga verður haldinn miðvikudaginn 23. maí klukkan 20 í Skíðaskálanum í Tungudal. 

Dagskrá:

1. Skýrlsa stjórnar

2. Endurskoðaðir reikningar

3. Kosning stjórnar 

Varaformaður og gjaldkeri

4. Önnur mál

Skíðafélagið ætlar að bjóða öllum þeim sem æfðu skíði í vetur og aðstandendum þeirra til lokahófs mánudaginn 7. maí klukkan 18:00. Gleðjast yfir frábærum skíðavetri og góðum árangri. Lokahófið verður haldið í porti Grunnskólans og verður boðið upp á grillaðar pylsur og gos.

Hlökkum til að sjá ykkur öll.

Skíðafélag Ísfirðinga sendi 51 keppanda á Andrésar andar leikana sem fram fóru í Hlíðarfjalli í síðustu viku. Að vanda sópuðu göngumenn til sín verðlaunum í flestum flokkum. Nokkrir alpakrakkar komust einnig á verðlaunapall auk þess sem allir keppendur 6-7 ára í alpagreinum og 6-8 ára í göngu fengu veglegan verðlaunagrip fyrir þátttöku í leikjabrautum. Öll úrslit má finna á heimasíðu SKA skidi.is

Úrslit í skíðaskotfimi og göngumóti Hótels Ísafjarðar hafa verið sett inn undir liðnum ganga.

Ísfirðingum gekk vel á Skíðamóti Íslands nú um helgina.

Í hefðbundinni göngu kvenna voru ísfirðingar í þremur efstu sætunum, en Elena Dís var í 1. sæti og Rannveig Jónsdóttir og Silja Rán fylgdu þar fast á eftir. Einnig náði Elena 2. sæti í göngu með frjálsri aðferð.

Í alpagreinum gekk líka vel, en Thelma Rut var í 2. sæti í flokki 15 - 16 ára bæði í svigi og stórsvigi.