Hótelmótið í athugun kl. 11

Það er enn svolítil óvissa varðandi Vestfjarðamót Hótels Ísafjarðar, sem til stendur að halda í dag. Nú er verið að skoða málin varðandi veginn upp á Seljalandsdal og almennt með veður og keppnisaðstæður þar uppfrá. Nýjar upplýsingar eru væntanlegar um eða upp úr kl. 11.

Vestfjarðamót Hótels Ísafjarðar

Vestfjarðamót Hótels Ísafjarðar í skíðagöngu fer fram á sunnudaginn kemur, 15. mars. Keppt verður í öllum aldursflokkum og eru vegalendir þessar:

9 ára og yngri:     1250 m ski-cross braut

10-11 ára:            2x1250 m ski-cross braut (mega skipta um skíði á milli hringja ef þau vilja)

12-13 ára:            2x2,5 km (1 hefðb. + 1 frjálst)

14-17 ára:            2x3,3 km (1 hefðb. + 1 frjálst)

18+:                    4x2,5 km (2 hefðb. + 2 frjálst)

ATH að í flokkum 12 ára og eldri er ski-cross braut fléttað inn í seinni hringinn, sem genginn er með frjálsri aðferð.

Keppnin hefst klukkan 12:00 og eru þátttakendur beðnir að mæta tímanlega til að skrá sig. Hótel Ísafjörður býður svo þátttakendum, starfsfólki og aðstandendum í kökuhlaðborð og verðlaunaafhendingu kl. 15:30 á sal hótelsins. 

Bikarmót SKÍ: Lokadagur, ganga með hefðbundinni aðferð.

Í dag lauk þriggja daga bikarmóti SKÍ á Seljalandsdal. Gengið var með hefðbundinni aðferð og má finna úrslitin undir hlekknum „Ganga“ hér til hliðar.

Athugið að hægt er að skoða myndir frá keppni laugardagsins hér: http://uv39.123.is/photoalbums/270322/

Skíðafélag Ísfirðinga þakkar keppendum, starfsfólki, áhorfendum og starfsmönnum skíðasvæðis Ísafjarðarbæjar fyrir afar ánægjulega helgi.

Bikarmót SKÍ: Annar dagur, lengri vegalengdir

Í dag var annar keppnisdagur af þremur á bikarmóti SKÍ í skíðagöngu á Seljalandsdal. Gengnar voru lengri vegalengdir með frjálsri aðferð og gilti þessi ganga til Íslandsmeistaratitils í elstu flokkunum. Íslandsmeistarar í fullorðinsflokki urðu þau Guðbjörg Rós Sigurðardóttir og Steven P. Gromatka, en Sólveig María Aspelund varð Íslandsmeistari í flokki 18-20 ára kvenna. Öll eru þau úr Skíðafélagi Ísfirðinga.

Öll úrslit úr göngunni má finna undir hlekknum „Ganga“ hér til hliðar.

Lokadagur mótsins er á morgun, sunnudag, en þá verður keppt í göngu með hefðbundinni aðferð. Fyrstu flokkar verða ræstir kl. 11.

Bikarmót SKÍ: Fyrsti dagur, sprettganga.

Bikarmót SKÍ í skíðagöngu hófst á Seljalandsdal nú í kvöld. Fyrst á dagskránni var sprettganga og var keppt aldursflokkum 12 ára og eldri. Úrslit má finna undir hlekknum „Ganga“ hér til hliðar.

Á morgun, laugardag, verða svo gengnar lengri vegalengdir með frjálsri aðferð og hefst keppni klukkan 11:00.