Snjódagurinn

Á morgun, sunnudag, er hin svokallaði alþjóðlegi snjódagur og þá er tilvalið að fara og notfæra sér skíðasvæðin sem er í túnfætinum hér hjá okkur. Það verður hægt að fá lánuð/leigð skíði og prófa og á báðum svæðum verður fólk til taks sem getur leiðbeint um hvernig á að athafna á skíðum. Kakó og kaffi, ásamt kexi og kleinum verða í boði skíðasvæðisins. Hvetjum alla til að kíkja við og hafa með sér sleða eða eitthvað til að renna sér á og hafa gaman í snjónum. Það er góð spá fyrir morgundaginn og vonumst við til að sjá sem flesta.

Stjórn Skíðafélagsins

Úrslti úr Boðgöngu sem haldin var 16/1/2013

Mynd úr startinu í gærkvöldi

Úrslit eru komin úr boðgöngu sem haldin var í gærkvöldi, frábær þátttaka 18 sveitir skráðar til leiks, krakkar fóru 800 m, unglingar fór 1500 m og þeir eldri fóru 2,5 km hring. Endað var með skemmtilegu kaffisamsæti og verðlaunaafhendingu í skála okkar göngumanna, Skíðheimum upp á Seljalandsdal

Úrslit úr Bikarmóti SKÍ 11-13.janúar.

Nú eru komin úrslit úr Bikarmóti SKÍ 11-13.janúar. Blíðskaparveður hefur verið hér á Ísafirði alla dagana á meðan mótið stóð yfir. Finna má öll úrslit undir dálknum ´Ganga´ úrslit 2013

Foreldrafundur

Foreldrafundur skíðabarna verður haldinn í Skíðaskálanum Tungudal mánudaginn 14. janúar klukkan 18:10.

Helstu dagskrárliðir eru:

Erindi frá þjálfurum

Andrésarnefnd segir frá starfi sínu

Hugmyndir um ,,æfingarbúðir" 10 - 12 ára (helgargisting í skíðaskálanum)

Önnur mál

Bikarmót SKÍ í skíðagöngu 11-13 janúar

Nú líður óðum að fyrsta bikarmóti SKÍ  hjá okkur gönguskíðamönnum en það verður haldið hér á Ísafirði dagana 11-13 janúar næstkomandi. Allar keppnir fara fram upp á Seljalandsdal.

Föstudaginn   11. janúar kl. 18:00 verður Sprettganga

Laugardaginn 12. janúar kl. 13:00 verður keppt með frjálsri aðferð

Sunnudaginn  13.janúar kl. 11:00 verður keppt í skiptigöngu.