Haustæfingar SFÍ

Haustæfingar Skíðafélags Ísfirðinga

Haustæfingar Skíðafélags Ísfirðinga eru að fara af stað og í boði eru æfingar fyrir alpagreinar, snjóbretti og skíðagöngu. Æfingarnar eru hugsaðar sem góður undirbúningur fyrir veturinn og eru hópar í boði fyrir mismunandi aldur.

Yngstu iðkendurnir, krakkar í 2.–4. bekk, æfa saman á mánudögum og miðvikudögum kl. 16:30–17:30 undir stjórn Jónu Lindar Kristjánsdóttur. Nánari upplýsingar um æfingatíma annarra hópa og fyrirkomulag haustæfinga má finna í æfingatöflum Skíðafélags Ísfirðinga. Skráning fer fram í Sportabler.

Vonumst til að sjá sem flesta!

Aðalfundur styrktarsjóðsins Framför

Boðað er til aðalfundar í styrktarsjóðnum Framför, þann 22. júní 2026 klukkan 20:00. Fundurinn fer fram á skrifstofu Háafells (Neista Ísafirði 3. hæð) og á Teams. Fyrir fundinum liggja eftirfarandi lagabreytingar Skipulagsskrá-Framfarar_breytingar_2026.doc

Hér má finna teams fundarboðið: 

Microsoft Teams meeting Join: https://teams.microsoft.com/meet/326331171844561?p=LN87OVdyBVD7ygbXUx

Meeting ID: 326 331 171 844 561

Passcode: 8z2KN7WL 

Vonumst til að sjá sem flesta!

SFÍ fyrirmyndarfélag ÍSÍ

« 1 af 2 »

Á ársþingi HSV, sem haldið var á Þingeyri þann 27. maí síðastliðinn, hlaut Skíðafélag Ísfirðinga heiðurinn að fá nafnbótina Fyrirmyndarfélag ÍSÍ. Willum Þór Þórsson, forseti Íþrótta- og Ólympíusambands Íslands, afhenti stjórnarmeðlimum og þingfulltrúum félagsins viðurkenninguna.

Stjórn SFÍ er stolt af þessum árangri. Að baki honum liggur mikil vinna og heildræn uppbygging á stefnu og starfsháttum félagsins.

Fyrirmyndarfélag ÍSÍ er gæðaviðurkenning íþróttahreyfingarinnar og gildir í fjögur ár. Handhafar hennar hafa samþykkt skýrar stefnur og viðbragðsáætlanir á öllum helstu sviðum:

• Fræðsla og forvarnir
• Jafnréttismál
• Umhverfismál og félagsmál
• Persónuvernd og siðareglur

Fjölbreytt markmið og skýrar stefnur tryggja að allir sem koma að starfi félagsins vinni að sama takmarki og styrkja SFÍ til framtíðar.

Aðalfundur SFÍ 2026

UMÍ á Ísafirði 10-12. apríl 2026

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

Mynd: Haukur Sigurðsson

« 1 af 14 »

Fimmtudagurinn gekk vel fyrir sig og svigmótið var keyrt í bakka 1 og 2 í Miðfelli. Aðstæður voru góðar en hlýtt í veðri og skúrir, svigbakkarnir voru saltaðir og héldu þeir sér vel í keppninni.

Á föstudag var gott veður, það hafði fryst undir morgun og hörð skel myndast ofan á blautum snjónum. Vegna þessa aðstæðna var keppni blásin af og frestað til laugardagsins. 

Laugardagurinn gekk vel fyrir sig. Frábært færi, hart og gott en vindur og skafrenningur gerðu erfitt fyrir á köflum. Keppendur og starfsmenn létu það ekki á sig fá og kláruðu bæði stórsvigs og svig mót í dag með glæsibrag. 

SFÍ átti fjóra keppnendur á mótinu, það voru þær Auður Ýr Alexíusdóttir, Árdís Níní Liljudóttir, Ásthildur Chiaophuang og Katrín Dalía Daníelsdóttir. Þær stóðu sig vel og fá góða reynslu í reynslubankann.   

Á laugaradagskvöldi var UMÍ slúttað með kvöldverði og verðlaunaafhendingu á Logni á Hótel Ísafirði. Keppni sunnudagsins var blásin af vegna veðurs. 

Heilt yfir frábært mót, við þökkum keppendum og gestum fyrir komuna og ekki síður þökkum við öflugu starfsfólki mótsins, foreldrum og velunnurum félagsins fyrir góð störf. 

Hér má finna úrslit helgarinnar: Úrslit UMÍ