Fréttir

SMÍ 2013: Fyrstu úrslit dagsins

6. apríl 2013 Albertína Friðbjörg Elíasdóttir
þá liggja fyrir úrslit úr fyrri ferðinni hjá konum og körlum í stórsvigi. Keppni hefur gengið vel og munaði sekúndubrotum á milli keppenda. Mikil ánægja er með brautina sem þykir bæði krefjandi og skemmtileg, enda koma keppendur í mark niðri við skíðaskálann þar sem þau fá mikla hvatningu síðustu metrana.
Úrslitin eftir fyrri ferð eru eftirfarandi:
Stórsvig kvenna
1. Freydís Halla Einarsdóttir 1:22.59 – Skíðaráð Reykjavíkur
2. María Guðmundsdóttir 1:23.23 - Skíðafélag Akureyrar
3. Helga María Vilhjálmsdóttir 1:23.64 – Skíðaráð Reykjarvík

 

Stórsvig karla

1. Einar Kristinn Kristinsson 1:21.62 - Skíðafélag Akureyrar
2. Sturla Snær Snorrason 1:21.99 – Skíðaráð Reykjavíkur
3. Jakob Helgi Bjarnason 1:22.00 - Skíðafélag Dalvíkur

 

Þá er keppni í 10 km hefðbundinni göngu pilta 17-19 ára lokið. 

Þar fóru leikar svo:

1. Ragnar G. Sigurgeirsson, 00:40:47 - Skíðafélag Akureyrar
2. Guðmundur S. Bjarnason, 00:41:39 - Skíðafélag Ísfirðinga
3. Sindri Freyr Kristinsson, 00:42:13 - Skíðafélag Akureyrar

 

Þá var rétt í þessu að ljúka keppni í 5 km hefðbundinni göngu kvenna 17 ára og eldri sem fulltrúar Skíðafélags Ísfirðinga sigruðu með glæsibrag en alls tóku níu konur þátt í keppninni. Þar voru úrslitin þessi:

1. Hólmfríður Vala Svavarsdóttir, 00:20:51 - Skíðafélag Ísfirðinga
2. Guðbjörg Rós Sigurðardóttir, 00:21:10 - Skíðafélag Ísfirðinga 
3. Katrín Árnadóttir, 00:21:15 - Skíðafélag Ísfirðinga

 

Þá er aðeins eftir seinni ferðin í stórsviginu sem er að hefjast rétt í þessum rituðu orðum, sem og 10 km ganga karla 20 ára og eldri með hefðbundinni aðferð. 

 

Myndir frá keppni dagsins og endanleg úrslit í stórsvigi og 10 km göngu karla verða birt hér á vefnum fljótlega eftir hádegi.

Nánar

SMÍ2013: Annar keppnisdagur að hefjast

6. apríl 2013 Albertína Friðbjörg Elíasdóttir
1 af 7

Nú rétt í þessum skrifuðu orðum er keppnisdagur tvö á Skíðamóti Íslands að hefjast með keppni karla og kvenna í stórsvigi. Stórsvigsbraut dagsins liggur frá toppi Sandfells og alla leið niður að skíðaskálanum og því lítið mál fyrir áhorfendur að fylgjast með keppninni í dag. 


Þá er sömuleiðis að hefjast keppni á gönguskíðum en í dag verður keppt í 10 km göngu pilta 17-19 ára, 5 km göngu kvenna 17 ára og eldri og 10 km göngu karla 20 ára eldri. Keppt verður í göngum dagsins með hefðbundinni aðferð. 
Úrslit dagsins ættu að liggja fyrir um hádegi og verða þau send út eftir því sem þau berast.
Þessar glæsilegu myndir sem hér fylgja með voru teknar af Hólmfríði Völu Svavarsdóttur í göngukeppni gærdagsins.

Nánar

SMÍ2013: Keppni lokið í göngu með frjálsri aðferð

5. apríl 2013 Albertína Friðbjörg Elíasdóttir

Keppni í göngu með frjálsri aðferð á Skíðamóti Íslands 2013 er nú lokið. Aðstæður í braut þóttu góðar og var rennslið sérstaklega gott enda hafði fryst í nótt og harðnað í sporunum. Keppni var æsispennandi  í öllum flokkum og oft aðeins örfáar sekúndur sem skildu á milli fyrstu keppenda. Í dag var keppt í göngu með frjálsri aðferð; 10 km í flokki pilta 17-19 ára, 7.5 km í flokki kvenna 17 ára og eldri og 15 km í flokki karla 20 ára og eldri.

 

Keppni á gönguskíðum verður framhaldið á morgun laugardag kl. 10 með keppni í göngu með hefðbundinni aðferð og mun flokkur pilta 17-19 ára ganga 10 km, flokkur kvenna 17 ára og eldri 5 km, og að lokum flokkur karla 20 ára og eldri sem munu ganga 10 km. Búast má við æsispennandi keppni við frábærar aðstæður og eru Ísfirðingar og nærsveitarmenn eindregið hvattir til að mæta upp á dal og hvetja keppendur til dáða.

 

Úrslit í göngu með frjálsri aðferð föstudaginn 5. apríl 2013

 

Piltar 17-19 ára, 10 km með frjálsri aðferð

1. Ragnar G. Sigurgeirsson, Skíðafélag Akureyrar – 00:31:35
2. Hákon Jónsson, Skíðafélag Ísafjarðar – 00:32:15
3. Sindri Freyr Kristinsson, Skíðafélag Akureyrar – 00:35:27

 

Konur 17 ára og eldri, 7.5 km með frjálsri aðferð

1. Stella Hjaltadóttir, Skíðafélag Ísafjarðar – 00:25:49
2. Jónína Kristjánsdóttir, Skíðafélag Ólafsfjarðar – 00:26:16
3. Guðbjörg Rós Sigurðardóttir, Skíðafélag Ísafjarðar – 00:26:51

 

Karlar 20 ára og eldri, 15 km með frjálsri aðferð

1. Brynjar Leó Kristinsson, Skíðafélag Akureyrar – 00:43:18
2. Sævar Birgisson, Skíðafélagi Ólafsfjarðar – 00:44:52
3. Gísli Einar Árnason, Skíðafélag Akureyrar – 00:46:13

Nánar

Keppni lokið í svigi á SMÍ 2013

5. apríl 2013 Albertína Friðbjörg Elíasdóttir
Mynd: Benedikt Hermannsson
Mynd: Benedikt Hermannsson
1 af 3

Keppni í svigi á Skíðamóti Íslands 2013 er nú lokið. Aðstæður í fjallinu voru góðar og gekk keppni vel og reyndist æsispennandi, enda oft lítill munur á milli keppenda.

 

Keppni í alpagreinum verður framhaldið á morgun laugardag kl. 10 með keppni í stórsvigi, seinni umferð verður startað klukkan 13. Þær góðu fréttir voru að berast að hægt verður að keyra stórsvigsbraut eins og þær gerast bestar, en startað verður frá toppi Sandfells, niður háubrúnina og verður markið einfaldlega niðri við skíðaskála þannig að það er alveg ljóst hvert fólk á að fara á ísrúntinum í fyrramálið – mæta og hvetja keppendur þegar þeir renna í markið.

Úrslit í svigi föstudaginn 5. apríl 2013

 

Svig kvenna

1. Helga María Vilhjálmsdóttir, Skíðaráð Reykjavíkur – 1:44.79

2. María Guðmundsdóttir, Skíðafélag Akureyrar – 1:44.92

3. Erla Ásgeirsdóttir, Breiðablik – 1:47.44

 

Svig karla

 1. Einar Kristinn Kristgeirsson – Skíðafélag Akureyrar -1:32.76

 2. Brynjar Jökull Guðmundsson – Skíðaráð Reykjavíkur – 1:35.20

 3. Jakob Helgi Bjarnason – Skíðafélag Dalvíkur – 1:35.83

 

Nánar

Fyrsti keppnisdagurinn í dag

5. apríl 2013 Albertína Friðbjörg Elíasdóttir

Í dag er fyrstu alvöru keppnisdagur Skíðamóts Íslands 2013. Keppni í alpagreinum hefst með fyrri ferð kvenna og karla í stórsvigi nú klukkan 10, en seinni ferð mun fara fram klukkan 13. Keppni í skíðagöngu hefst svo klukkan 13 með 10 km göngu pilta 17-19 ára með frjálsri aðferð. Klukkan 13.40 hefst ganga 5 km kvenna 17 ára og eldri með frjálsri aðferð og keppni dagsins líkur svo með 15 km göngu karla 20 ára og eldri með frjálsri aðferð. 

 

Fylgjast má með tímatöku bæði í alpagreinum og skíðagöngu á netinu.

Nánar

Styrktaraðilar